Það má segja að þessi landsleikur hafi verið til mikils ills. Þegar ég var að skrifa pistilinn hér á undan, hvað gerist! Jújú, auðvitað, ég var að láta renna í baðið fyrir litlu dís og hvað gerist, ég gleymdi því, kom inná bað og......."PLASK"....... vatn útum allt!
Þetta kennir mér að gera ekki marga hluti í einu. Frúin í kjallaranum sat á dollunni með regnhlíf í allt kvöld á meðan vatnið var að sitra í gegnum steypuna. Það er sennilega eini ljósi punkturinn í málinu.

Kveðja
Snæþór

Úff, eftir háðuglega útreið okkar íslendinga í leiknum áðan hef ég ákveðið að rita aldrei aftur stakann staf fyrir leiki. Jú annars, sennilega mun ég mæra KR-inga sem mest á má fyrir leiki þeirra í sumur. Borðliggjandi, þeir falla. (svona blikkandi broskall)

Já annars, þetta var skelfilegur leikur hjá okkar mönnum, engin leikgleði. Sennilega hefði verið betra að senda stormsveitina Þrjár týndar geitur. Arnar Þór fær þó klapp á bakið fyrir að skora.

Kveðja
Snæþór

Það styttist í hann!

Leikur leikjanna, stórstjörnur lýðveldisins taka á móti hinum gríðarsterku Albönum. Það verður barist um hvern bolta, hvert grasblað á leikvellinum verður þakið blóði, svita og tárum. �fram �sland, áááfram �sland!

Þá er boltinn loksins að fara að rúlla aftur, landsleikur í kvöld og allt að fara á fullt. Það er ekki til neitt betra en að upplifa landsleik (ekki nema að verja tíma með fjölskyldunni, upplifa fæðingu og hmmm....ekkert meira). Fílingurinn að standa uppí stúku, sjá hetjurnar hlaupa út um göngin, finna stoltið berjast um í brjósti sér. Syngja svo þjóðsönginn íðilfagra fullum hálsi �SLANDS ÞÚSUND �R....�SLANDS ÞÚÚSUUUND ����RRRRR!. Já, landsleikir. Það er lífið.

Annars er enn stærri viðburður í kvöld. Hin vikulega knattspyrnuæfing Þriggja týndu geitanna fer fram í kvöld í vöggu íþrótta á �slandi, Framheimilinu. Þar berjast ekki ófrægari kappar á vel harpex klístruðu gólfinu en ég undirritaður, fjölmalgir framsóknarmenn, vestfirðingur og fleiri goð knattspyrnusögunnar. Vona bara að það verði enginn fullur núna.

Þá er komið að lokum þessa annars ágæta dags, góðar stundir.

Kveðja
Snæþór

Daginn! Vitið hvað, það er bara kominn vetur. Nei heyrðu, hann er farinn..... neih! þarna kom hann aftur.

Merkilegt með veðrið hérna hvað það getur aldrei ákveðið sig. Það hefur ekki margt markvert verið í fréttum þennan daginn. Ég verð þó að koma nokkrum orðum að útvarpsmenningu þjóðarinnar, sérstaklega þó á morgnanna.
Ég spyr:
- er einhver sem vill hlusta á pólitískt þras þegar hann er nývaknaður?
- er einhver sem vill hlusta á lýsingar á hinum ýmsu ofbeldisverkum, hvort sem þau snúast um:
- líkamsmeiðingar
- nauðung
- barnaklám
- o.s.frv.
(athugið að ég er svo sannarlega ekki að mæla með slíkum verkum, það eru viðbjóðslegir einstaklingar sem framkvæma þessa gjörninga)
- er einhver sem vill hlusta á jákvæðar uppbyggjandi fréttir, já, því slíkar fréttir eru vítamínssprauta fyrir daginn!

Uss, ég var næstum búinn að gleyma einu, er hér einhver sem vill hlusta á V�NSMÖKKUN � ÚTVARPINU!!! það er nógu slæmt að horfa á vínsmökkun, HVERJUM DETTUR EIGINLEGA SVONA VITLEYSA � HUG!!!
Úff, þá er ég búinn að blása, ég sem hélt að það væri ekkert í fréttum.
Svona getur maður verið vitlaus!

Kveðja
Snæþór

Steinhissa? Ef ég var steinhissa áðan hvað er ég þá nú?

� henni Ameríku er hafin málsókn gegn tryggingarisanum Lloyds. Aðilinn sem kærir er Afkomendur svartra Amerískra þræla.
Já þeir eru semsagt að kæra Lloyds og krefjast gríðarlegra skaðabóta vegna þess að Lloyds tryggði skipin sem notuð voru við þrælaflutningana, líkt og Lloyds tryggði fjölda annarra skipa á þessum tíma. Já, það er ekki öll vitleysan eins. �stæða kærunnar er sú að afkomendurnir hafa mátt þola mikla sálarangist því að þeir vita ekki hvaðan þeir koma og hverjir afkomendur þeirra eru í henni svörtu Afríku. Nú hef ég ekkert á móti nokkrum einasta kynþætti enda fundu þessir aðilar ekki uppá þessari ákæru sjálfir heldur var það lögfræðingurinn Ed Fagan, en Fagan þessi hefur m.a. unnið mikið fyrir Gyðinga og fengið fyrir þeirra hönd háar skaðabætur fyrir helförina.
Útgangspunkturinn í þessu máli er þessi. � þeim tímum sem þrælasalan fór fram, þá var hún lögleg, því miður. Lloyds voru því að vinna að löglegri starfsemi. Þetta er eins og að kæra ætti aðilana sem framleiddu járn á tímum helfararinnar því að járn var jú notað í t.d. járnbrautarteina og gyðingarnir voru meðal annars fluttir með járnbrautum.

Kveðja
Snæþór

Já, það er margt sem maður getur steinhissast á þessa dagana. Kíkjum á topp 5 listann:

1. � gær þegar ég lagðist til hvílu (um kl. 23:00) í gærkvöldi var stórhríð, reiknaði því fastlega við að þurfa að moka bílinn út í morgun. En nei, allur snjór farinn. Steinhissa!
2. Forsíðan á DV í morgun. "Grétar stunginn fyrir utan 10-11, árásarmaðurinn ókunnur". Steinhissa!
3. Tveir samstarfsmenn mínir búnir að segja mér að halda kjafti í dag. �stæðan? Ég hóf markvisst átak í morgun uppá eigin spítur, já, átak sem ég kalla "Réttu úr hryggnum" og felst í því að senda þessi skilaboð á msn á 10 - 60 mínútna fresti. Steinhissa!
4. Sex marka tap fyrir Frökkum í handbolta og landsliðsþjálfarinn sagðist vera sáttur við árangurinn. Steinhissa!
5. Þetta hér --> http://www.imdb.com/name/nm1012434/ Steinhissa!

Kveðja
Snæþór

Þá er komið að því! Formleg opnun mcice.blogspot.com er núna. Blóm og gjafir afþakkaðar en kokteill vegna opnunarinnar er hjá vatnsbrunnum landsins frá 13:00-13:30, allir velkomnir.
Það er margt sem á dagana drífur þessa síðustu og verstu. Fyrst af öllu er DV auðvitað að gera allt vitlaust, ungir FUF-arar í Reykjavík standa fyrir sínu og af íþrótta frontinum er alltaf nóg að frétta!

Ég mun leggja mig fram um að vera skemmtilegur, leiðinlegur, alvörugefinn og algjört fífl, allt í senn í einum graut. Það er best þannig.

Kveðja.
Snæþór