Kvöldið,

Kaupfélagið er komið í sumarfrí.

P.s. nú veit ég hvernig persónum í bókum Charlotte Brontë líður.

Kveðja
Snæþór

Þvílík öskrandi snilld! 
  
Þetta hér!
 
Kveðja
Snæþór

Það er vor í lofti og vindur hlýr...
 
Mikið dæmalaust var þetta nú góð helgi.  Sól skein í heiði og hitinn í höfuðborginni náði loksins að skríða næstum því í 20 gráður, ekki alveg samt.  Laugardagurinn var svona eins og nokkuð góður sólardagur í apríl á Fljótsdalshéraðinu góða.  Kaupfélagsstjórinn og fjölskylda lágu eins og hráviði á öllum grasbölum, svölum og sólpöllum sem buðust og sleiktu sólina já og drukku bjór. 
 
Já þetta var góð helgi, ég var allavega svo heppinn að sjá ekki einn einasta fréttatíma og losnaði því við endalausar fréttir af hinu stórkostlega leiðinlega fjölmiðlamáli.  Eru ekki allir komnir með upp í háls á þessari vitleysu.  Er ekki kominn tími til að draga málið til baka, hugsa það betur og koma svo með lausn sem hugnast flestum, jújú, gerum það.
 
Nú styttist í sumarfrí, næstkomandi föstudag verður brunað austur á land á ættarmót hinnar merku Rauðholtsættar, mikið fólk Rauðholtsfólkið.  Fyrir þá sem það ekki vita er ættaróðalið Rauðholt staðsett í Hjaltastaðaþinghá hinni gömlu, nú Austur-Hérað, á Fljótsdalshéraði, nánar úthéraði.  Því að eins og allir vita heitir það að fara út dalinn, upp fjallið og inn til dala.
 
Framararnir mínir eru að falla.  Getur það verið.  Komnir í fallhættu enn og aftur, sjötta árið í röð.  Nú er ég hinsvegar hræddur um að málum verði ekki bjargað.  Ekki nema auðvitað að daninn knái muni bjarga því sem bjargað verður.  Hann verður þó reyndar að hafa hæfileika á við Ronaldo hinn yngri, inho, ef það á að heppnast.  Það er þó frekar hæpið þar sem að ég hef aldrei heyrt um manninn, getur allavega lítið sem ekkert í CM.... ;-)
 
Kveðja
Snæþór

Göngum, göngum, göngum upp í gilið!
 
Kaupfélagsstjórinn sagði skilið við steypu og blá ljós sjónvarpsins í kvöld.  Gekk út í óvissuna og á fjallið.  Fjallið var Esjan.  Fékk enn og aftur þá hugdettu um klukkan 9 að ganga á þetta blessaða fjall, sennilega í þriðja eða fjórða skiptið sem sú fluga ratar inn.  Að vanda reyndi ég að ræsa út fjallageiturnar til að koma með en að sama skapi að vanda gugnuðu þær allar á því, Selurinn svaraði ekki, Kalli Kaupfélagsins og Unnur þóttust vera að flytja og Rósin og Dóri gátu nú ekki fundið upp betri afsökun en að undirbúa brúðkaup.  Sem er reyndar ágætis afsökun.  Það var því að sjálfsögðu Valli sem hafði ekkert betra að gera en að sigrast á fjallinu og þvílíkur sigur segi ég og skrifa.  Uppgangan tók 58 mínútur sem hlýtur að teljast met í fyrstu göngu, annað er ómögulegt.
 
Ég skora því á þá sem því þora að taka eitt gott kapphlaup upp á hólinn.
 
Annars er leiðin hin skemmtilegasta og fögur.  Erfiðasti hlutinn eru síðustu 50 metrarnir þar sem maður þarf að klöngrast upp tvö klettabelti og bendi ég öllum sem ætla sér að fara upp að fara leiðina sem er á vinstri hönd.  Ekki lenda í ruglinu til hægri!  Tafði okkur um 5 mínútur.
 
Annars held ég að best sé að fara að sofa.
 
Góða nótt.
 
Kveðja
Snæþór

Það er sumar í dag.

Í þessum pistli verður ekki rætt um fjölmiðlamál.

Það styttist óðum í sumarfrí. Skvísan og litla dís fara í frí eftir morgundaginn, sú eldri í þrjár vikur en sú yngri í fjórar. Kaupfélagsstjórinn sjálfur fer svo í frí þann tuttugastaogþriðjaþessamánaðar og verður það gott en stutt, ekki nema 10 dagar eða svo. Það er alveg ómetanlegt að komast aðeins frá, velta sér um í brekkum landsins og kúra fram á morgun í tjaldi. Þetta er í raun og veru fyrsta sumarfríið mitt síðan.. hmm, sennilega ferðin um norðurland 1994 sem endaði á síldarævintýri á Siglufirði. Reyndar hef ég brugðið mér í millitíðinni í tvær utanlandsferðir um sumar auk fjölmargra um vetur en þær teljast ekki með því að þær voru útskriftarferðir, vinnuferðir, árshátíðarferðir o.s.frv.

En það er nú í lagi.

Ungir í RS samþykktu í gær ályktun sem olli því að nokkrar frumur í höfðinu á mér brunnu yfir, það var slæmt, þær eru ekki svo margar eftir.....æi, ég lofaði víst að tala ekki um þetta fjölmiðlamál.

Sleppum því þá.

Í dag er gott veður, sólin skín og líkt og ég held ég verði bara að taka undir með kollega mínum honum Heiðari, sumarið er að bresta á. Ekki seinna vænna. Annars er ég að hugsa um að skipta um starfsvettvang, já, hún vinkona mín Halle Berry er nefnilega að leika í kvikmyndinni um kisukonuna og búningurinn hennar ku hafa hrokkið í sundur við minnstu tilefni. Gæti vel hugsað mér að vera aðstoðarmaður hennara. Æi Halla mín, poppaði brjóstið þitt út einu sinni enn. Komdu hérna til mín, ég skal hylja þig og hugga.

Það væri nú ekki mjög leiðinlegt.

Það er Bixímatur í dag hjá henni Jóhönnu minni. Aldeilis gaman að því. Reyndar var hún ekki viss hvað þetta væri þegar ég ræddi við hana á mánudaginn. Æi, þetta er svona eitthvað kjöt sem við skerum niður og sullum saman við eitthvað grænmeti eða eitthvað.

Jömmí.

Kveðja
Snæþór

Getraun!

Getur einhver sagt til um hvaðan þessi annars ágæta mynd er sem er hér á vinstri hönd?

Engin verðlaun eru í boði.

Kveðja
Snæþór

Fáum okkur snuð

Vegna óróleika síðustu daga hef ég ákveðið að róa liðið niður.

Til að ná þessu fram set ég hérna nokkur róandi lög sem ættu að geta róað hjörð af viltum vísundum.

Þetta hér.

Já og þetta.

Og þetta er frábært.

og að lokum þessi snilld hér.

Kveðja úr rólegheitunum
Snæþór

7,5%

Ég ætla ekki að segja mikið um þetta blessaða mál en er ekki kominn tími til að sá/þeir aðilar sem bera ábyrgð á því að flokkurinn mælist minni en ég hef upplifað á minni 27,5 ára löngu ævi verði gerðir ábyrgir gjörða sinna.

Ljóst er að þjóðin er gegn þeirri stefnu sem forystan hefur valið. Sýnið nú djörfung og dug.

Kveðja

Snæþór

Það er komið í lag!

Félagarnir í Haloscan eru búnir að laga kommentakerfið mitt. Víhaaa.

Skemmtilegur pistill verður vonandi birtur á eftir.

Það verður samt að bíða eitthvað fram á daginn, er örlítið "þreyttur" eftir ævintýri gærkvöldsins með bókhaldinu.

Kveðja
Snæþór

Bilun

Mér skilst að commentakerfið mitt sé búið að vera bilað.
Bið lesendur afsökunar.

Kveðja
Snæþór

Einhversstaðar einhverntímann aftur

Mér er spurn: Kournikova eða Sharapova?



eða



Kveðja
Snæþór

Kveðja
Snæþór

Skítlegt eðli

Ó já, það hefur verið staðfest. Áður var það eiginlega bara grunur, óstaðfestur, nagandi grunur, grunur um hvað segiði, jú grunur um að ekki bara nokkrir heldur stór hluti íslenskra ráðamanna hafi skítlegt eðli. Kannski ekki svona dags daglega en þó allavega einhversstaðar í handraðanum, svona meira til að geta dregið fram þegar allra síst skyldi og þegar það hefur sem verst áhrif á sögulega mynningu þeirra.

Ég var oft búinn að velta fyrir mér möguleikunum sem í stöðunni voru og búinn að komast að tveimur niðurstöðum. Báðum gríðargóðum. Annar var að fara í þjóðaratkvæðið og setja reglu um að 25% kosningarbærra þyrftu að hafna lögunum, nú eða að 50% þjóðarinnar þyrftu að mæta á kjörstað. Fyrir glögga lesendur þarf auðvitað ekki að útskýra að þetta er nákvæmlega sama leiðin. Hin leiðin sem mér fannst heldur síðri fyrir þjóðina en skárri fyrir flokkinn var að draga frumvarpið til baka og hugsa málið allt heldur betur.

Nú jæja, ekki hlustuðu ráðamenn á mig í þetta skiptið frekar en fyrri daginn.

Það mætti eiginlega halda að sumir átti sig ekki á því að allt sem þeir segja, kunni og muni verða notað gegn þeim í hringleikahúsi almenningsálitsins. Tökum dæmi, formaður og varaformaður flokksins lýstu því yfir fyrir og um helgina að lögin færu fyrir þjóðina, annað væri brot á stjórnarskrá. Björn Bangsímon Bestaskinn Bjarnason lýsti því yfir að það að draga lögin til baka væri brella og eitthvað sem væri ekki beint siðlegt fyrir um mánuði. Hvar eru þessi ummæli í dag. Hversvegna spila þessir menn sig endalaust sem ómerkinga? Hvernig væri nú til tilbreytingar að koma hreint fram. Koma fram fyrir þjóðina og segja hlutina eins og þeir eru!? Skvísan spurði mig áðan frábærrar spurningar. "Hvað hefur Davíð eiginlega á Halldór?" Ég tek undir þessa spurningu! Hvað hefur Davíð á Halldór sem veldur því að Halldór sendir flokkinn trekk í trekk í gin úlfsins, skipar fylgi flokksins í almenningsaftöku! HVAÐ ER AÐ!

Hvernig má það vera að þessi lög séu svona mikilvæg? Geir H. Haarde var í Kastljósi í kvöld með Steingrími J. Sigfússyni og ég verð bara að segja að sjaldan hef ég séð aðra eins steikingu. Það var hverju mannsbarni ljóst að Geir hafði engin svör, hann hafði ekki einu sinni skæting. Dóttir mín, þriggja ára spurði. Hvaða maður er þetta sem er að fara að skæla?

Jæja, nú er nóg blásið. Ólafur Ragnar Grímsson, ef þú færð þessi ólög í hendurnar til undirskriftar þá treysti ég á þig, þú skrifar ekki undir þessa vitleysu, með því móti gerir þú sjálfan þig að ómerkingi. Í það minnsta í mínum augum.

Kveðja
Snæþór

Umkvörtun!

Hvernig er það með ykkur (okkur), almúgann, sem mætir í vinnu fimm daga vikunnar. Nýtur lífsins að eins miklu leiti sem tími leifir og höfum það svona bara almennt gott. Eruð þið jafn sjokkeruð og hundfúl á þessum eilífa fréttaflutningi af landsmóti hestamanna og ég. Hin annars ágæta heimasíða íhaldsins MBL.IS hefur t.d. fallið í gin hrossadjöfulsins ógurlega, nykursins. Forsíðan í gær leit einhvernveginn svona út:

Á forsíðu voru 7 fyrirsagnir.
- ein var um morð í írak.
- ein var um lög um þjóðaratkvæðagreiðslu.
- ein var um unglingjadrykkju.
- FJÓRAR voru um að Blesi frá Hofsstöðum hefði sigrað í B-flokki í truntutölti á nýju glæsilegu heimsmeti.

Ég meina hverskonar er þetta eiginlega, er ekki nóg að rústa íþróttakaflanum á síðunni með endalausum truntufréttum.

Ég verð samt að taka það fram að ég er mjög stoltur af íslenska hestinum, hann hefur borið mig um margann móann fyrir austan, kastað mér allavega tvisvar beint á andlitið í nýskitna kúadellu og gefið mér marga harðsperruna. Fíla bara ekki þennann fréttaflutning.

Já, við familían ætlum að fara í tívolí á eftir, tívolí í Smáralind, hér er mynd af því:
Það verður eflaust mikil gleði, sérstaklega fyrir ungmeyna.

Kveðja
Snæþór

Meira síðar í dag

Ætlaði bara að uppfæra myndina af Kaupfélaginu.

Ef einhver getur giskað á af hvaða merkilega húsi þessi mynd er þá er sá hinn sami sannur snillingur og fær að skrifa í Kaupfélaginu.

Kveðja
Snæþór