Kvöldið góða fólk

Ég hef í fjöldamörg ár unnið að því að koma á fót nýrri heimsmynd. Hugmyndafræðin er nú loks tibúin og hljómar hún svona.

1. Öllu mannkyninu skal skipta upp í tvo flokka A og B. Ath, fullkomið jafnræði ríkir milli beggja flokkanna.

2. Heiminum er skipt fullkomnlega í tvö svæði, Norður og Suður hvel.

3. Á suðurhvelinu er unnið en á norðurhvelinu er ekki unnið.

4. Flokkar A og B skiptast á að vera á suður- og norðurhvelinu, eitt ár í senn. Þetta þýðir að öll heimsbyggðin skiptist á um að halda hvort öðru uppi.

5. Ekkert kostar neitt á suðurhvelinu og að sjálfsögðu ekki á norðurhvelinu heldur. Þeir sem eru á suðurhvelinu að vinna fá einungis mat, fatnað og húsnæði en þeir sem búa á norðurhvelinu fá allt sem hugurinn girnist í lífsgæðum.

6. A og B hóparnir skiptast á að stjórna heiminum en ef breyta skal stjórnarskrá heimsins kjósa báðir hóparnir. Hópurinn sem er á suðurhvelinu (vinnu) stýrir heiminum.

7. Í heimsmyndinni minni er gott að búa.

Kveðja

Snæþór

Það styttist í stórfrétt

Kaupfélagið er að fara í 16.000 hitt!!!

Verðlaun fyrir screenshott af 16.000 hittið eru feiknagott knús og 10 krónur að auki.

Kveðja
Snæþór

Daginn...

kominn tími á skrif.

Fyrst af öllu.. nú væri gott að vera klár á kínverskunni.

Út í annað..Kaupfélagið er hálf slappt þessa dagana, það hlaut auðvitað að koma að því að atvinnumaðurinn í stórliði Melsteð slasaðist og það auðvitað í upphitun hvað annað. Nýjasti viðskiptamaður kaupfélagsins hefur nú reynt að koma því inn í hausinn á stjóranum að hann sé að komast á aldur en hvaða vitleysa er það nú annars.... kaupfélagsstjórinn er ungur á árum og á alveg hreint pottþétt 10-15 ár eftir á hátindinum. Reyndar verður það að viðurkennast að síðasta mark stjórans kom árið 2003..fyrir einhverjum hmmm 2-3 árum síðan en það hlýtur þá bara að styttast í það næsta það segir sig auðvitað sjálft.

Já, það er bara búið að mála, allt orðið hvítt og búið að hengja upp nýjar myndir, þetta er gert af því tilefni að Litaval var með allt á útsölu..eða eitthvað.
Í sama vetfangi var smellt upp nýjum viðskiptamönnum hér á vinstri hönd, mæli með þeim öllum, sérstaklega þó, fyrir þá súrustu, mæli ég með Nediam, gríðarlega virkt blogg þar sem rignir inn allskyns góðum fróðleik og hugrenningum um alvarleika lífsins.

Það sem helst hræðir kaupfélagsins mann þessa dagana er sú pæling eldri borgara í Reykjavík að gera GM að borgarstjóra.... alveg þykir mér það dæmalaus þvæla. Það er svipað og að gera kaupfélagsstjórann að næsta formanni feminstafélags Íslands, með ólíkindum. (tek það þó fram að undirritaður hefur alls ekkert á móti feministafélaginu) Hvernig eigum við borgarbúar að geta tekið hann alvarlega, ég verð reyndar að lísa þeirri skoðun minni að hann, Gísli, er að mínu viti drengur góður og á eflaust framtíðina fyrir sér........en BORGARSTJÓRI!! og þau orð sem hann lét út úr sér að þessar kosningar ættu ekki snúast um málefni....heldur um MENN!!! það bara sýnir okkur öllum, líka ykkur eldri borgarar, að hann hefur engan málefnalegann grundvöll til að byggja á. Nei og svei. Gísla í RÚV og einhvern fullorðinn í borgarstjórastólinn.

Þetta voru sennilega fyrstu pólitísku skrif hér inni í nánast 8 mánuði, það er af sem áður var.

Íbúinn í skipholtinu er ánægður, kaupfélagið er svona um það bil orðið eins og það á að vera, tilfinningalífið í hinu allra besta ásigkomulagi og nýr vinur búinn að gera góða hluti, búið að taka til á milli eyrna þess sem hér ritar og lífið stefnir ekkert nema upp upp uuuppp. Fleiri orð þarf ekkert að hafa um það, sérstaklega ekki þau asísku.

Kveðja
Snæþór

Veðrið á þessu landi!!

Daginn, alveg er það með ólíkindum hvað veðurfarið hérna getur verið köflótt...sól sól skín á mig..mér finnst rigningin góð...nú er úti norðanvindur.....spurning um að hnoða saman góðri syrpu úr þessum lögum og gera það að þjóðsöng.

Óvenju viðburðarík helgi er að lognast út af. Þetta byrjaði allt á góðum hittingi og endurvakningu á hinum stórgóða félagskap SogA á föstudaginn, fyrir þá sem ekki þekkja til heiðursmannaklúbbsins SogA þá skal það fylgja hér til útskíringar að S stendur auðvitað fyrir Snæþór og A fyrir Ara Pál. Forsaga þessa klúbbs er hinsvegar svo mögnuð og sóðalega að við förum ekki nánar út í það hér, enda væri það ekkert vit þar sem að hið glæsilega, frábæra og stórgóða dagblað, Blaðið, er farið að lesa og vitna í Kaupfélagið..löngu kominn tími til reyndar.

Föstudagurinn reyndar endaði jafn vel og hann byrjaði, á miklum hlátri, og einni af skemmtilegri heimsóknum sem komið hafa í Skipholtið til þessa. Nánar verður ekki farið í það mál.
Laugardagurinn brast svo á fagur og bjartur með smá skúr. Kaupfélagsstjórinn var auðvitað boðinn í bryllup vestur á Ísafirði og þar sem að flugvélin ætlaði að leggja af stað rétt eftir miðnætti (07:45) þá var heldur tekinn sá kostur að bruna á vínrauðu eldingunni vestur eftir. Merkilegt hvað vegirnir eru orðnir góðir....og bjóða upp á að teeeyyyggt sé aðeins úr bílnum.

Brúðkaupið var annars stórkostlegt, mikið hlegið, bæði í kirkju og veislu, aðeins drukkið og gleðin við völd, lítið um slagsmál. Nú erum við því tveir eftir óútgengnir af HR genginu, við Axel, en Shiran genginn út....reikna með að Amsterdam ferðin okkar sé alveg komin út af kortinu...sorglegt. Segið mér annars kvenkyns lesendur...hvers vegna vilja konur ekki hleypa mönnunum sínum í strákaferð til Amsterdam...???? Næ þessu ekki.

Nú í morgun var svo brunað aftur í bæinn, sólin skein, vindurinn gnauðaði....regnið beljaði og bíllinn nánast bensínlaus. Það vill nefnilega þannig til að það er ein bensínstöð á Ísafirði...og hún opnar ekki fyrr en kl. 10 á sunnudögum...kaupfélagsstjórinn er þar að auki auli og man ekki pin númerið á kortunum sínum og þessi djöf.... bensínstöð tekur ekki seðla.. nú þá var ekki annað að gera en að bruna á súðavík og taka bensín þar í leiðinni...en nei, ekki seðlar.. bara kort. Þá voru góð ráð dýr, annaðhvort að renna út á Ísó aftur, sem hefði verið ókarlmannlegt, og bíða eftir að stöðin opnaði...nú eða bara láta vaða á það og sjá hvort að tankurinn myndi duga inn í Reykjanes..., jah, nú er það þannig að í rennireið kaupfélagsins er tölva og hún sagði einfaldlega að já, bensínið myndi duga og vel það...hmm..tölvan reiknaði greinilega ekki með því að lítið yrði um spar-akstur á þessari leið.. þegar 60 km. voru enn eftir í Reykjanes kviknaði bensínljósið...þegar rennireiðin var komin upp á topp á Hestakleif sagði tölvan að bíllinn kæmist 0 km. á því bensíni sem eftir væri (þá eru eftir 25 km. í Reykjanes)....þannig að þá var tekið til við sparakstur og viti menn... alveg 1,5 lítrar lifðu eftir í tankinum..engin hætta á ferðum.

Í kvöld var svo komið að næsta þætti helgarinnar en það var bikarleikur Melsteð gegn slöku liði Nings og viti menn..4-0.. sigurgöngu Melsteð er svo sannarlega ekki lokið og liðið komið í undarúrslit...halelúja og jibbíjei...það er sko kominn sautjándi júní.

Þá lýkur þessari ljúfu sögu af rennireiðum, rigningu og rokk & ról. Kaupfélagsstjórinn orðinn verulega svangur og draumadís á leiðinni með eitthvað óvænt í gogginn.

Lifið heil.

Kveðja
Snæþór

Góða kvöldið góðir gestir.

Ég var tilbúinn með snilldar pistil...leit svo á klukkuna og sá að ég ætlaði að vera farinn út á landsleikinn.

Kveðja
Snæþór

Daginn viðskiptamenn...!

Í dag er mánudagur og þá er gott að lifa. Þessar helgar eru bara til leiðinda og fátt betra en að vakna snemma á mánudagsmorgni til að skella sér út í ys og þys vinnunnar...eða er það ekki.

Þessa dagana er litla dís hjá pabba sínum í höfuðstöðvunum og snýr honum auðvitað í hringi í krinum alla fingurna á sér....þessar stelpur. Meira hvað þær geta leikið sér að okkur karlpeningnum.

Hvernig ætli lífið væri annars án kvenþjóðarinnar...strákar..? Setjum þetta upp svona, án kvenna værum við á góðum slóðum ekki satt, sveittir, loðnir, drekkandi bjór í tíma og ótíma, enski boltinn og magnaðar klámmyndir á víxl.......eða heyrðu..neiiiii....hmm, engar konur...þá væru klámmyndirnar nú ekki upp á marga fiska. (jájá ég veit, sumir hérna myndu fíla það)

Gleymum þessu. (tek það fram að við nánari skoðun eru ókostirnir við enga kvenþjóð svo margir að kaupfélagið dreifir rósum um allar trissur í dag til að biðjast afsökunar á orðunum hér að ofan)

Fyrir þá sem það ekki vita þá hækkaði eldsneytisverðið í dag og er nú komið hátt á annað hundraðið..þetta er auðvitað alveg rosalegt. Kaupfélagsstjórinn er sáttur við það í dag að hafa flutt í Skipholtið. Örstutt í vinnuna og fátt betra en að ganga þangað svona í morgunsárið..hef reyndar kannski ekki gert nógu mikið af því að ganga í vinnuna þessa tvo mánuði sem höfuðstöðvarnar hafa verið hér..alveg.......aldrei.

Í óspurðum fréttum er það helst að frétta að nú er löngu kominn tími á að næsta lagagetraun líti dagsins ljós hjá ipsens.

Kveðja
Snæþór

Hin dýpsta þrá, hin raunverulegasta löngun felst í því að nálgast einhvern. Eftir það hefst sambandið, karlmaðurinn og konan bregða á leik, en engin leið er að skilgreina það sem áður hefur gerst, hvað dró þau saman, þá hreinu þrá sem hefur ekki verið snert.
Meðan þráin er enn í ósnortinni mynd heillast maðurinn og konan af lífinu, þau njóta hvers andartaks með virðingu, af ásettu ráði, alltaf að bíða eftir réttu andartaki til að fagna næstu guðsgjöf.
Þannig fólki liggur ekkert á og það rasar ekki um ráð fram. Það veit að hið óhjákvæmilega gerist, að hið sanna finnur alltaf aðferð við a koma í ljós. Það hikar hvergi þegar stundin rennur upp, glatar engu tækifæri, lætur ekkert ævintýralegt andartak fram hjá sér fara og virðir mikilvægi hvers andartaks. (Coelho, P)

METROSEXUALISMI ER DAUÐUR!!

Þetta eru sláandi niðurstöður, sérstaklega með það í huga að kaupfélagsstjórinn hefur staðið sig vel í þeim geira undanfarin misseri. Nýja fabið er hinsvegar Übersexualismi, lýsingin á því er svona:

" Lykilatriði hjá úbersexúarl-karlinum, segir þríeykið sem fann um metrómanninn, eru hefðbundin karlmennskugildi eins og kraftur, heiður og skapgerð í blandi við jákvæð kvenleg gildi eins og umönnun, samskipti og samvinnu. "

Þetta eru auðvitað góðar fréttir því að kaupfélagsstjórinn er greinilega langt á undan sinni samtíð og passar fullkomnlega í nýju lýsinguna. Viva la revolution!!


Annars er margt að frétta, sumarfríið búið að vera svo ljúft og gott, búinn að kynnast nýju fólki og njóta lífsins út í æsar. Litla prinsessan kom í nýju höfuðstöðvarnar í Skipholtinu í vikutíma. Síðan voru Norðmenn fræddir um kaupfélagsmennsku í síðustu viku en sendinefnd kaupfélagsdrengja sá um það.

Núna hinsvegar stefnir vinnan í að ljúka dagsverkinu og kominn tími á helgarfrí, helgarfrí uppfullt af ævintýrum, bíltúrum, golfmótum og einkar yndælu fólki. Er annars y-lón í yndæll...indæll. Nei sennilega ekki.

Njótið nú lífsins og haldið áfram að versla hér í kuffélaginu. Nú er lofað bót og betrun, ekki lengur leti við blogglífið.

P.s. ég verð bara að segja að ég hef fengið ítrekaðar pillur frá Ipsens, manninum sem telur sig vera besta tryggingabloggkall á landinu.... en kommmooonnnnn þetta er ekki blogg Ibbi minn, þú heldur úti slappri getraunasíðu.

Kveðja
Snæþór