Sæl enn og aftur!

Í kjölfar símtals og boðs dreg ég til baka síðasta póst. Kökurnar og kókið voru vel rúmlega slark fær.

Takk fyrir mig kumpáni.

Kveðja
Snæþór

Sæl aftur

Þar sem að Kaupfélagssonurinn "gleymdi" að bjóða mér í afmæliskaffið þá dreg ég hér með til baka ammliskveðjuna.

Kveðja
Snæþór

Á korktöflunni í Kaupfélaginu stendur:

Til hamingju með daginn Karl Kaupfélagssonur.

Kveðja
Snæþór

Kvöldið

Hver man ekki eftir þættinum með Ómari sem hafði hár, Stiklur. Í kvöld býður kaupfélagið uppá stiklur, nokkrar smáfréttir... jibbýjei.

Við byrjum á fréttum af heimilislífinu, María vex og dafnar og hefur látið að mestu leiti af þeim slæma sið að naga fólk, er það vel. Hér má sjá Maríu og að sjálfsögðu Kaupfélagsstjórann í öllu sínu veldi:

Já hún er yndæl hún María, tignarleg og fögur. Kann sig þó ekki alveg ennþá eins og sjá mér hér að neðan.





Ég fór og kíkti í kvikmyndahús á föstudagskvöldið og þvílík mynd. Mæli með því að allir skundi nú út og styðji við bakið á veikburða 365 ljósvakamiðlum og taki til við að horfa á Serenity. Hér er á ferðinni mynd sem á eftir að ganga vel í glæsilegri vídeóleigu kaupfélagsins. Engir stórleikarar að þvælast fyrir, bara spenna og fuuuulllt af húmor. Mæli með henni fyrir flesta aldurshópa. Kannski ekki alveg myndin til að fara með kærustuna á til að haldast í hendur og kela í hléinu, nibbs, meira svona bara fyrir þig og vini þína. Ég þakka Kidda kærlega fyrir að benda mér hana. Takk Kiddi.

Stundum veltir maður því fyrir sér hvað maður getur verið heppinn. Mér finnst ég vera heppinn, hef átt gott líf, er í góðri vinnu í frábæru fyrirtæki, á frábæra dóttur og fallega íbúð. Slatta af góðum vinum og einhvernveginn er bara allt á réttri leið. Er ekki annars bara stórgott að búa hérna á þessu landi, er það ekki heppni líka, maður hefði getað komið undir í leirkofa í Damumby og heitið Sembegou, kannski væri það bara heppni líka, hver veit? Veit ekki alveg hvert ég er að fara með þessari umræðu, jú, veit það alveg en kem bara ekki orðum að því, er kannski bara að bíða eftir því sem lætur mig líða eins og ég sé sá heppnasti.

Já annars, ef einhver er með tillögur að nýju nafni á VÍS samsteypuna þá væri fínt að fá þær bara hérna á komment, já og ég ætla að hirða verðlaunin ef sigurnafnið kemur hér. Þau eru sko dæmalaust góð.

En jæja, nóg af væmninni.



Kveðja

Snæþór

Góða kvöldið


Kaupfélagsstjórinn mættur til leiks, búið að opna og verið að fylla á hillurnar.


Það er eitthvað svona kítl í gangi á þessum dásemdar bloggsíðum og þar sem að allir hafa gleymt að kítla mig þá ætla ég bara að gera það sjálfur.


Sjö hlutir sem ég ætla að gera áður en ég dey:


1. Sjá pýramýdana ý Egyptalandi (hvað eru mörg ý ý þvý?)
2. Gera góðverk
3. Eignast barnabarn
4. Reyna að gera heiminn aðeins betri
5. Læra á þennann blessaða gítar
6. Gifta mig
7. Finna upp sjálfvirka ryksugu


Sjö hlutir sem ég get:


1. Eldað magnaðan mat
2. Gefið út tryggingar
3. Legið í leti
4. Sagt ótrúlega ranga hluti á röngum augnablikum
5. Sagt ótrúlega rétta hluti á réttum augnablikum
6. Hlaupið 100 metrana á innan við 20 sekúndum :D
7. Eytt peningum


Sjö hlutir sem ég get alls ekki:


1. Haldið kjafti
2. Borðað slátur án þess að hugsa um blóð
3. Skorað með langskoti í körfubolta
4. Verið vondur við mömmu
5. Skrifað með fallegri rithönd
6. Verið sjálfstæðismaður
7. Flogið fyrir eigin vélarafli


Sjö hlutir sem heilla mig við hitt kynið:


1. Ylmurinn
2. Orðin
3. Heitt og innilegt faðmlag
4. Kossar sem ná niðrí maga
5. Augu sem toga mig djúpt inní sig
6. Bros, ætlað mér
7. Fingur sem gælir við hnakkann minn


Sjö frægar sem heilla: (í engri sérstakri röð)


1. Gwyneth Paltrow
2. Angelina Jolie
3. Paaameeelaaaa
4. Catherine Z. Jones
5. Vigga Finnboga, alltaf heillandi
6. Jennifer Lopez
7. Charleze Theron


Sjö orð eða setningar sem ég nota mikið.


1. Jamms
2. Góða nótt
3. Þú ert fífl Kalli
4. Kýr****a
5. Framsóknarflokkurinn
6. María hættu þessu!!
7. Elvar, Áslaug er að hringja í þig


Sjö hlutir sem ég sé akkúrat núna:


1. María að missa sig á gólfinu
2. Ryksuga
3. Rúmið mitt
4. Bækur
5. Glas
6. Þessi setning sem ég er að skrifa
7. Vaseline


Já svona er nú það, ég búinn að kítla mig og tími kominn á að kítla einhverja aðra, því þetta er svo gaman, sumum finnst það reyndar ekkert gaman ;) . Kítlið fá snillarnir ElDorado, Elvar og Bombalombalom.


Kaupfélagið lokar hér með í kvöld.


Kveðja
Snæþór

Gott kvöld

Hér um daginn var rætt um íslenskt orðtak hér í Kaupfélaginu. Í dag er það annað orðtak.

Að fá blauta tusku í andlitið.

Jamms, kaupfélagsstjórinn fékk eina svoleiðis í morgun og verður að viðurkenna fyrir sér og umheiminum að hann átti það svo sannarlega skilið. Stundum er eins og maður kveiki ekki á merkjunum og haldi áfram í blindri trú, kannski bara blindri trú á sjálfan sig. Já, maður veður áfram og byrjar að brenna brýr, eina af annari þangað til ekkert stendur eftir nema spurningin syngjandi í höfðinu, AF HVERJU!.. er maður stundum svona blindur og vitlaus? En þá er víst ekkert annað að gera en að byrja aftur að byggja og sjá hvort að síðasta brúin sé nokkuð alveg brunnin, hvort að það sé ekki hægt að leggja nokkra planka yfir gilið og byrja upp á nýtt.
Það kemur í ljós.

Ég sé annars að ummæli mín um Hafnarfjörð hafa farið aðeins fyrir brjóstið á fólki. Ég sé mig því knúinn til að ítreka þau ummæli.

Kveðja
Snæþór

Góða kvöldið

Hér með er sunnudagur og hér með lýkur pabbahelgi. Frábær tími með dásamlegri snót.
Í dag lennti ég í slæmum hremmingum.... já, það er bara ekki mönnum bjóðandi að fara í Hafnarfjörð. Í dag fór ég þrisvar, já þrisvar segi ég og skrifa í Hafnarfjörð. Ég skil bara ekki með nokkru lifandis móti hvernig fólk nennir að búa í Hafnarfirði! Í tveimur af þessum þremur ferðum lenti ég umferðarteppum! Er bara ekki allt í lagi? Það er sunnudagur! Hvernig er þetta eiginlega þá á virkum dögum. Eða ætli allt þetta fólk sem var að rúnta í Hafnarfjörðin hafi bara verið að tékka á þessu liði sem býr þarna..? Svona einhverskonar fríksjóv! Ég vil hér með biðja alla hafnfirðinga sem ég þekki afsökunar, þið eruð bara undantekingin sem sannar regluna.

Ég hef reyndar aldrei skilið þessa setningu. Undantekningin sem sannar regluna? Hvað þýðir þetta eiginlega? Þannig að við erum með reglu, t.d. að það sé fáránlegt að búa í Hafnarfirði og svo allt í einu er einum sem finnst sniðugt að búa í Hafnarfirði og er hann þá sá sem sannar regluna? Botna ekki í þessu. En talandi um Hafnarfjörð þá held ég bara að ég vildi frekar búa í Fellabæ en Hafnarfirði og er þá mikið sagt! (eins og allir vita þá leggjast Egilsstaðabúar aldrei og ég endurtek aldrei!! svo lágt að flytja norður fyrir fljót og gerast þar með Fellamenn)

Lag dagsins er með Bill Withers, nú eða Al Green hann söng það líka. Fallegt ljóð og skemmtilega mikil soul. Ég ætla reyndar ekkert að segja ykkur hvað lagið heitir, það má bara giska ef þið hafið mikla trú á ykkur en ég get þó sagt að það fjallar aðeins um vináttu og styrk.

Já á meðan ég man. Mæli með því við alla spekinga að stökkva yfir á síðuna hjá ElDorado (sjá link til vinstri) og reyna við föstudagsgetraunina. Ég er svo fatlaður í höfðinu að ég náði aðeins fimm af tíu mögulegum stigum. Ljótt að heyra, sérlega reyndar ljótt að heyra það að Karl félagi minn Kaupfélagsins svindlaði illa og fékk tíu stig. Skamm skamm. (get reyndar ekki sannað þessar ásakanir en er engu að síður sannfærður)

Annars....

..góðar stundir.

Kveðja
Snæþór

Daginn

Þvílík endemis vitleysa, hann er ekki einu sinni líkur mér!





Take the Which Neighbour Are You? Quiz, hosted by Neighbours: The Perfect Blend.

Kveðja
Snæþór

Góða kvöldið kæru lesendur


Íslenskt orðtak segir að hver sé sinnar gæfu smiður. Þetta er eitt af þessum gullnu orðtökum sem segja svo margt í svo fáum orðum. Hvert og eitt okkar leggur sinn veg sjálft, við beygjum til hægri eða beygjum til vinstri og verðum ávallt að taka afleiðingum gjörða okkar. Ég er einn af þeim hvatvísu og er fljótur að grípa þá stefnu sem mér líst best á, þá stefnu sem mér sýnist að muni gefa mesta af sér. Stundum hefur hvatvísin skilað mistökum en oftar en ekki hefur hún komið mér lengra en ég átti von á. Í lífinu er fátt betra en að sjá góðan afrakstur ákvarðana sinna, hvort sem þær eru teknar í vinnunni eða í einkalífinu. Ég er þess sannfærður að ákvarðanirnar sem ég hef tekið síðasta hálfa árið koma til með að stefna mér inn á góða leið, rétta leið sem mun gefa hamingju, hamingju til handa mér og þeim sem mér standa næst. Verður maður ekki alltaf að hafa trú á sjálfum sér?

Í kvöld hófst pabbahelgi hjá okkur Arndísi litlu, alltaf ljúft að fá litlu prinsessuna þessa 4 daga á hálfsmánaðar fresti. Stefnan hjá okkur er tekin á afmæli, bíó, Latabæ og ædol. Já og svo auðvitað að leika helling við hana Maríu litlu, sem er ekki svo lítil lengur, meira svona bara nokkuð stór og bítur hrottalega fast! Myndi það teljast grimmd gagnvart dýrum ef ég setti kork á tennurnar á henni?

Annars kom Skvísan fyrrverandi í heimsókn í kvöld, rætt um heima og geima. Held að það hljóti að vera sjaldgæft að eiga svona gott samband við fyrrum skvísu til 8 ára. Topp manneskja þar á ferðinni.

Lag dagsins og reyndar vikunnar er hún Ave Maria eftir sjálfan Beethoven. Legg til að þið leggið við hlustir.

Góða nótt
Snæþór

Hey man, now you're really living!

Góður texti með góðri hljómsveit, Eels. Mæli alveg með því, lagið er Hey man og kemur manni bara í gott skap, það er verið að blasta það í græjunum í kuffélaginu og kúnnarnir eru að missa sig....!

Er kominn vetur eða er haust? Þetta er spurningin sem brennur á vörum landans þessa dagana. Í morgun var haust, í hádeginu vetur, í kvöld haust. Þetta er reyndar bara Reykjavík í hnotskurn, ólíkt skárra austurlandið fríða og blíða. Þar er bara vetur, sumar, vor og haust allt í réttri röð og allir voða happý og ljóminn er ennþá ljómandi góður.

Í kvöld var sumar reunion, sumarstúlka VÍS kíkti í heimsókn og rifjaðir voru upp skemmtilegir tímar og fréttir líðandi stunda féngu að svífa yfir bjórglösunum... sennilega síðustu bjórglösum kaupfélagsstjórans sem er farinn í sex, já SEX, mánaða áfengisstopp!! Ekkert grín hér á ferð bara staðreynd, ísköld og bitur, beint í fésið.

Annað markvert við daginn var að nú var prófaður nýr farskjóti, já, það er verið að velta fyrir sér automobile kaupum hér í plássinu. Verður reyndar án efa ekkert af því en hvað er að því að prófa. Prufaður var kappi sem heitir BMW 1 118i. Þrælskemmtilegur lítill kappi sem kann að hreyfa sig, jibbs, búið að kanna það á "spyrnubrautinni" fyrir neðan Marteinslaugina, sorry Rós og ElDorado ef ég vakti litlu prinsessuna, sem nota bene ég skil ekkert í hvers vegna var ekki skírð Snædís í höfuðið á uppáhalds hálffrænda hennar.

Annars, góðar stundir og gangið hægt um gleðinnar dyr.

Kveðja
Snæþór

Góða kvöldið

Þolinmæðin þrautir vinnur allar. Þetta á jafnt við um lesendur kaupfélagsins sem og kaupfélagsstjórann sjálfan. Já, það er komið að því, þolinmæði þeirra lesenda sem mætt hafa dag eftir dag að tómum hillum kaupfélagsins er loksins að skila sér, vörubíllinn sem er búinn að vera fastur dögum saman í skriðunum sunnar í fjórðungnum hafði það loksins og nú glansar á allt það nýja í áður rykfylltum hillunum.

Hér var texti sem var ritskoðaður.

En hvað um það, nóg af sálarlífi kaupfélagsstjórans.

Villi Þ. vann Gísla M. jibbý. Ekkert illa meint skvísa. ;-)

Kveðja
Snæþór