Ég hlusta á Zeppelin og ég ferðast aftur í tímann,
Þú spyrð mig hvar er geimsteinninn í augum þínum ljúfan?
Svitinn perlar á brjóstum þínum, þú bítur í hnúann,
þú flýgur á brott með syndum mínum...

Þetta er upphafið á einhverju steiktasta lagi Bubba, svartur Afgan. Þegar maður les textann þá þarf hausinn að vera skýr því að nánast hver einasta settning er myndlíking. Ég velti fyrir hvað ætli hafi vakað fyrir honum með þessum texta, það er ekki hægt að kalla þetta lag ástarlag, því að sumt í textanum er neikvætt fyrir stúlkuna, eða, gæti kannski hugsast að það sé bara engin stúlka, að hann sé í móki/vímu af þeim svarta og sjái fyrir sér stúlkuna sína. Reyndar kemur þetta svo allt saman í ljós í lokin með síðasta versinu:

Þegar ég bankaði á dyrnar opnaði vofan þín.
Hún sagði þú varst bara draumur, ég hef aðeins séð þig í sýn.
Ó, ég elska þig, ég vil ekki vakna,
svartur Afgan, drauma minna ég sakna.

Að mínu viti er ekki nokkur leið að skilgreina lagið frekar en svona, þunglyndis popp af bestu gerð. Takk allavega Bubbi minn, stóðst þig vel.


IDOL!!

Idolið var í gær, landinn gleymdi Nönnu og fyrir vikið datt hún í það í gærkvöldi. Gengur betur næst. Ég verð að segja að sumir þarna í gær stóðu sig með mikilli prýði og þó að ég segi sjálfur frá þá fannst mér frammistaða Möggu Láru flottust. Hún tók lagið hans Jónsa, Þrá, og gerði það hrikalega vel. Ég fékk svona nettann Evanescence fíling þegar hún tók háu nóturnar. Hún virðist líka vera að vinna í appearanceinu sem er gott mál. Hún er bara langbesti söngvarinn þarna, ég ætla ekki að halda því fram að hún vinni þetta en hún á feitann séns.

GETRAUNIN!!

Sigurvegari getraunarinna verður ekki kynntur fyrr en á mánudaginn þar sem virðist sem eitthvað sé að tölvupóstkerfi VÍS.

KOMA SVO!!

Núna eftir tæpann klukkutíma..JÁ TÆPANN!! Mun FERNANDO ganga út á Anfield í fullum skrúða í fyrsta sinn. Mikið hrikalega verður það gaman!!

WHEN YOU WALK, THROUGH A STORM....................

Kveðja
Snæþór

Ra ra Raspútin, lover of the Russian Queen.

Svona nokkurn veginn hljómaði snilldar lag í boði Boney M ef ég man rétt. Ef það er ekki rétt er ég viss um að Karl Ágúst getur leiðrétt mig. En talandi um Raspútín en það er einmitt hann sem er svarið við getraun gærdagsins.
All nokkrir náðu þessu rétt en það voru:
Karl Ágúst, El Dorado, Gummi Þór, Himmi (átta mig ekki alveg á því hver það er), Skvísan, SigEy og Ari Páll.

Stigin eru því þessi:

3 - Gummi Þ, El Dorado
2 - Skvísan, Ari Páll, SigEy, Karl Ágúst
1 - Rósin, Kaupfélagsins sonur, Heiðar Birnir, Himmi

Spennan er nánast óbærileg og kominn tími á síðustu spurninguna!!! (hún snýst um ríka og fræga fólkið)

SPURNING 4

Á hvaða hljóðfæri spilaði Ike Turner með sinni fyrstu hljómsveit og hvað hét hljómsveitin?
Svör óskast send með tölvupósti snaetor@vis.is, msn snsh@ru.is.

Kveðja
Snæþór

Sæl og blessuð börnin góð.

Alltaf eitthvað að gerast í heimi hinna réttlátu og staðföstu. Í gær var skrifað undir kaupsamning á Laufenginu (sölusamning) og eftir helgi verður gengið frá kaupsamningi á Marteinslauginni. Gaman að því. Stefnt er svo að því að flytja um þar næstu helgi þannig að handsterkir eru beðnir að vera viðbúnir símtali.

Yfir í getraun dagsins!!!!

Í gær var spurt um hvaða hljómveit hefði tryllt lýðinn með laginu Elísa. Að sjálfsögðu er hér um að ræða stórveitina SúEllen sem kemur að austan, nobbarafirði og Eiðum.
Þeir sem náðu þessu réttu voru Skvísan, Gummi Þ, El Dorado, Rósin, Ari Páll, SigEy, Kaupfélagsins sonur, Heiðar Birnir og Karl Ágúst. Semsagt allt of létt.

Stigin eru því þessi:

2 - El Dorado
2 - Gummi Þ
1 - Skvísan, Rósin, Ari Páll, SigEy, Kaupfélagsins sonur, Heiðar Birnir og Karl Ágúst

En nú skal tekið á því næsta spurning fjallar um pólitík!

Spurning # 3:
Af hverjum er þessi mynd?

Svör óskast send með tölvupósti snaetor@vis.is eða msn snsh@ru.is.

Kveðja
Snæþór

STÓRFRÉTTIR!!!

Þessi maður:




ER MÆTTUR Á ANFIELD!!!

NANANANA NANANANA HEEEIIIEEII NANANANA!!!

Kveðja
Snæþór

Daginn fjær og nær. (eða kvöldið þið sem eruð fjærst)

Getraun dagsins fór almennilega í loftið í gær og það verður að segjast eins og er að spyrillinn var mátaður all rækilega. Spurningin hljómaði svona:

"Með hvaða knattspyrnuliði lék Guðmundur Torfason síðast áður en hann lagði atvinnumensku knattspyrnuskóna á hilluna?"

Og svarið sem undirritaður taldi vera rétta var auðvitað St. Johnstone. Það var hinsvegar ekki rétt því að frá St. Johnstone fór Gummi til Doncaster og var þar aðstoðarþjálfari um tíma, nánari upplýsingar um feril kallsins má sjá hér. Í leit minni að sannleikanum setti ég inn skilaboð á spjallsíðu aðdáenda Doncaster Rovers og spurði hvort það væri rétt að hann hefði spilað með liðinu, svarið sem ég fékk var athyglisvert: (lesist með mjög breskum hreim)

"Yeah he played 4 times in the 94/95 season then ******ed off to sum club ive never heard of."

En þá að sigurvegurunum! Einungis tveir svöruðu réttri þessari spurningu en það voru kempurnar El Dorado og Gummi Þór, aðrar athyglisverðar tilgátur voru Rapid Vien, Hibernian, Fram og Grindavík. Tek það fram að það yljaði mér um hjartarætur að einhver teldi Fram vera atvinnumannaklúbb.

Stigataflan lítur því svona út:
El Dorado 1
Gummi Þór 1
Allir hinir 0.

Þá er víst ekki annað að gera en að vinda sér í næstu spurningu, samkvæmt planinu á hún að vera samfélagstengd, geriði svo vel, næsta spurning:

Hvaða íslenska hljómsveit flutti lagið Elísa við mikinn fögnuð landans fyrir um 17 árum. Já, og hvaðan er hún?
Svör óskast send með tölvupósti snaetor@vis.is eða msn snsh@ru.is.

Kveðja
Snæþór

Undur og stórmerki eða lævíslegt plott

Ég veit ekki hvort að íbúar landsins hafi í raun áttað sig á stórfréttum síðustu helgar. Davíð Oddson er búinn að ákveða að ganga í Evrópusambandið. Þetta reyndar styður þá skoðun sem lengi hefur verið á höfði Kaupfélagsstjórans að Davíð hafi löngu verið búinn að ákveða að ganga í sambandið. Hann bara gat ekki snúið við blaðinu á meðan hann sat í stóli forsætisráðherra. En hver ætli sé ástæðan fyrir viðsnúningi Davíðs, ég er með fjölmargar kenningar en þessar eru bestar:

1. Hann áttaði sig á því eftir mörg lærð samtöl við kunningja sinn Halldór Ásgríms að ESB væri eina rétta leiðin í framtíðinni fyrir Ísland.

2. Hann áttaði sig á þessu eftir að hafa fylgst með og lesið um glæsilegt þing SUFara á Nesjavöllum síðastliðið sumar.

3. Hann er búinn að átta sig á því að hann á ekki lengur séns í að verða framkvæmdastjóri NATÓ en hann ætti hinsvegar fínann séns í að nappa sér í sæti í framkvæmdastjórn ESB ef hann er nægilega PRO EURO núna á næstu misserum.

Ég persónulega hugsa að þetta sé bland af öllu.

Kveðja
Snæþór

e.s. Ísland í ESB og trallallalla!

Heja allir.

Getraunin fór hægt af stað enda ekki auðvelt fyrir lesendur að kafa djúpt í sálu Kaupfélagsstjórans í leit að réttu svari. Komið hefur upp í annað sinn á tæpu ári sú kenning að Kaupfélagsstjórinn sé egócentrískur og mér til málsbótar hef ég það að nú skil ég allavega orðið. Þar sem að vonlaust er að komast að því hvað rétt svar er nema að þú hafir möguleika á því að brjótast inn um höfuðskelina á undirrituðum þá viðurkennist hér með að svarið við spurningunni er Orsa. sjúbbídú.

En kæru lesendur, þar sem ég er einstaklega óþolinmóður penni þá hef ég hugsað mér að breyta aðeins Getraun vikunnar og mun prófa að hafa spurningar daglega, nokkuð kannski í anda lagagetraunar Ipsens hér í den. Uppsöfnuð rétt svör munu svo að sjálfsögðu skila sér í stóra vinningnum og hefur Kaupfélagið ákveðið að stækka talsvert verðlaunin en þau verða héðan í frá tvíþætt, annarsvegar peningaverðlaun (skattskyld) 109 kr. og að auki líkamlegt samneyti við Kaupfélagasstjórann (handaband eða knús).

Skipulagið verður svona:

Mánudagur: Landafræði

Þriðjudagur: Íþróttir
Miðvikudagur: Samfélagsmál
Fimmtudagur: Stjórnmál
Föstudagur: Ríka og fræga fólkið

Það er því ljóst að næsta spurning kemur úr heimi íþróttanna.

SPURNING 2

Með hvaða knattspyrnuliði lék Guðmundur Torfason síðast áður en hann lagði atvinnumensku knattspyrnuskóna á hilluna?

Svör óskast send með tölvupósti snaetor@vis.is, msn snsh@ru.is.

Góðar stundir

Kveðja
Snæþór

Nýir tímar!

Já kæru lesendur, nú hefst hér nýr þáttur í lífi Kaupfélagsins. Héðan í frá mun á hverjum mánudegi birtast.....tadadadadadadadaaaaa!!! GETRAUN VIKUNNAR!!!
Reglurnar eru ofur einfaldar, á mánudegi birtist spurning og ef illa gengur munu eftir því sem líða tekur á vikuna birtast nýjar vísbendingar.

ATHUGIÐ!!

Einungis má giska einu sinni á hverjum degi, þ.e. hver lesandi má aðeins giska einu sinni. Gaman gaman.

Þá er bara að vinda sér í dæmið. Fyrsta spurningin er afar einföld fyrir þá sem vita svarið en þeir eru sennilega teljandi á fingrum litla putta.

Hver var fyrsti bærinn sem Kaupfélagsstjórinn heimsótti í Svíþjóð?

Verðlaunin eru ekki af verri endanum. 102 kr.

Hér er linkur á kort af Sverige.

Vísbending eitt. Bærinn er fyrir norðan Borlänge og sunnan Luleå.

Kveðja
Snæþór

Daginn

Það er ýmislegt að gerast þessa dagana. Eftir það sem virðist vera heil eilífð án spennandi umræðu í pólitíkinni hefur nú loksins orðið breyting. Þeir félagarnir Davíð og Össur hafa átt sína spretti, Jónína og Halldór sömuleiðis og núna síðast er það hetjan Gestur.

Byrjum á byrjuninni.

Stóra Gallup málið:
- Forsaga: Gallup spurði landann hvað þeim þætti um að við íslendingar værum á lista hinna staðföstu þjóða.
- Átökin: Stórkostlega heimskulega orðuð spurning sem nánast hver sem er svaraði að sjálfsögðu nei, við eigum ekki að vera á þessum morðingjalista. Ég er reyndar á því að þó svo að spurningin hefði verið vel orðuð þá hefði hún samt skilað ekkert svo mjög ólíkri niðurstöðu, kannski 50% reyndar í stað 85%. Í kjölfar þessarar könnunar stukku hvítu riddarar hreinnar samvisku og guðdómleika (Össur og Steingrímur J) fram á sviðið og hrósuðu happi yfir því að hafa fengið þarna stórkostlegt vopn í hendurnar. Mér fannst hinsvegar utanríkisráðherra standa sig ágætlega í vörninni, mætti samt kannski sleppa aðeins af hrokanum.
- Skoðun Kaupfélagsins: Mér finnst betra að vera í stöðunni sem við erum í í dag heldur en stöðunni sem við vorum í fyrir rúmu ári síðan með einn versta harðstjóra og viðbjóð allra tíma við líði í Írak.

Næsta mál

Stóra utanríkismálarnefndarmálið:
- Forsaga: Jónína Bjartmarz og forsætisráðherrann eru ekki alveg samhljóma varðandi það hvort Íraks málið hafi verið rætt í nefndinni eður ei.
- Átökin: Æ æ æ, þetta er óttalega leiðinlegt o g kjánalegt mál, þetta getur allavega ekki verið svona flókið, annað hvort var málið rætt eður ei!
- Skoðun Kaupfélagsins: Tel ráðlegast að Dóri og Jónína setjist niður, blaði í fundargerðarbókunum og komist að sameiginlegri niðurstöðu.

Síðasta málið

Stóra Hriflumálið:
- Forsaga: Gestur formaður í Reykjavík Norður....eða var það Suður....? Lýsti því yfir að framámenn í R-listanum væru orðnir að lítilli klíku, já lítilli klíku sem er komin langt frá rótunum og tími kominn á nýja Framsókn.
- Átökin: Það er allavega ljóst að þau hafa átt sér stað. Veit ekki meira um málið.
- Skoðun Kaupfélagsins: Hmmmm....meiri bjór.

Kveðja
Snæþór

Gleðilegt nýtt ár!

Kæru vinir nær og fjær, megi nýja árið verða ykkur sem allra allra allra best. Það verða átök, það verður gleði, það verður sorg en fyrst og fremst stanslaust partý!

Kveðja
Snæþór